独家丨颜仟汶厌恶被指艳星参加《中年2》洗底 求唔好踩多脚：畀条生路行吓

随着《中年好声音》的成功，《中年2》成为唔少圈中人的“翻生平台”，包括入行34年的颜仟汶。在TVB 7年曾跟影帝刘青云、周星驰、黎明等合作，52岁的她不甘观众只记得她拍过3级片，曾是艳星，故鼓起勇气参赛，为自己大平反，更跪求观众：“大家钟意咪畀两吓掌声，唔钟意都唔好踩多两脚。”采访：方骞平 场地：White Stag@湾仔

失婚的颜仟汶感情生活一片空白，眼前最重要系自己、家人、朋友及爱猫身体健康。

 

 

 

颜仟汶患上抑郁症8年，因为压力太大，就算填好晒《中年2》网上表格都犹疑不决，事隔一排才揿传送，所以激赞自己已赢咗勇气。不过，参加海选时仍惊到手震兼麻痺：“参赛跟登台系两回事，登台主力系搞气氛，比赛要喺短短几分钟内，表达到歌曲讯息及感情。”

颜仟汶跟歌手除Kimman(左1)、林若盈、前港姐戚黛黛、吕良伟弟弟吕良国参加《中年2》海选。

 

患精绪病8年的颜仟汶，做晒心理准备，令心脏强大才够胆报名参赛。

 

她最想话畀大家知系识唱歌。

 

近年颜仟汶主攻内地登台揾真银，累积唔少知音。

 

 

 

拍剧多过拍3级片

15岁曾参加《新秀》，1989年，19岁的颜仟汶于TVB艺训班毕业，同学有林家栋及黄德斌，1996年离开TVB后一度退出娱乐圈，98年转投ATV，再因替杂志拍性感照被炒，只做咗10个月亚视人。由2000年开始，4年内拍咗《兽性新人类》及《色欲中环》等20多套3级片成为知名艳星。对于名字长期连住3级片，她不甘反击：“我喺TVB拍过多套剧，近年剧作《一舞倾城》、《家族荣耀》、《黑金风暴》、《狮子山下的故事》都被赞，赞我喺《一舞》妈妈生角色演得入型入格；《家族》客串3场戏都肯演…但无奈又系focus𠮶20几套电影，都系20几年前嘅事啦。”

1990年颜仟汶(艺名亦羚)演《孖仔孖心肝》，跟未成巨星的星爷合作。

 

31年前跟嫩口郑伊健演TVB剧作《九反威龙》，当年伊健只有24岁。

 

在亚视10个月，曾跟刘松仁、曾江拍过《纵横天下》，饰演要晒事业线的“四姨太”。

 

21岁时剧作《新重案传奇》。

 

《血溅塘西》

 

演过《壹号皇庭》。

 

在《家族荣耀》中客串3场戏，演李彩华妈妈生前好姊妹芳姨。

 

《一夜倾城》中颜仟汶压低声线演活“妈妈生”“曼莉”。

 

 

唔会理网上留言

内地登台期间，颜仟汶曾获赞声音具辨识度、能唱出人生经历、甚至指她是被演戏耽误的歌手，既然得到鼓励，决定勇敢踏出一步，畀观众知道她唔止识演戏，唱歌都好好听，勿再以艳星标签她：“我够知呢个(3级女星)翻到身，𠮶个翻到身，得我未翻到身，但我唔会死囉！唔会少一条毛，我同自己讲，有朝一日啲人会自动自觉唔写𠮶啲嘢，因为有其他嘢写…”由于TVB节目入屋，颜仟汶最担心参赛被“艳星身世”所累：“以前试得多，完全抹杀咗我嘅努力及演技，唔应该被框住，呢啲喺外国边系嘢？咪傻啦！今日我企得好硬净，但返到屋企会有软弱时候，畀条路我行吓，大家钟意咪畀两吓掌声；唔钟意可以唔好投我票，但唔好踩多两脚，我唔会理网上留言，要记住只系虚拟世界，何必咁认真？就算系赞你都唔好信啦。唉！呢个世界经已好乱，大家发放多啲正能量啦，《中年好声音》点解咁收得？咪系正能量囉，大家为梦想去做一样嘢。”

颜仟汶与王书麒于《发电俏娇娃》中，有唔少露两点牀上激战戏。

 

年轻时颜仟汶好进取，经常着泳衣亮相争取曝光。

 

当年为咗支付患癌爸爸的医药费，颜仟汶加入脱星行列。

 

 

52岁的颜仟汶不论身形及样貌都Keep得唔错。

 

 

 

呼吁关注抑郁症

虽然演艺生涯多难关，但颜仟汶冇后悔走过嘅路：“𠮶个阶段系老天爷嘅安排，做乜要后悔？就算盖棺𠮶日个Box系咁写都系定律，呢行系要包埋嘅，但我对得住天地良心，靠自己求生，冇做对唔住任何人嘅嘢。”经历过高低潮的颜仟汶，形容有精彩人生，患情绪病时喺玛丽医院急症室爆喊，细细个的经历已丰富到足够写自传。最后，食紧情绪药的她呼吁大众要关注抑郁症：“香港地少人多，步伐急速压力太大，有病要去正视，大家亦唔好戴有色眼镜睇抑郁症病人，反要畀多啲正能量包容多啲，呢个世界一环扣一环就会变更美好。”

𠵱家颜仟汶过住平实嘅单身生活。

 

同系病友，颜仟汶喺社交网发文悼念已故李玟。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。