中年好声音2丨方俊获张伟文鼓励参赛：系时候独立 曾卷入“惨不忍睹”事件肥妈好眼利

《中年好声音2》吸引唔少圈中人及艺人家属参与其中，昨天第二轮海选都有多位参赛者成为焦点，除52岁艳星亚姐蔡美兰、邓兆尊细佬邓兆荣、孙耀威妹妹Miranda Suen、37岁的ViuTV前主持罗沛琪（Pinky）外，仲有漏网之鱼，就系“靓声王”张伟文经理人方俊。昨日方俊以谭咏麟金曲《爱的根源》出战，唱得有板有眼，他说：“参赛系希望歌唱事业有更进一步嘅发展，所见参赛加者质素好高，年青及年长嘅演绎方式都唔同，希望从中学习，获前辈加以提点。”

方俊以谭咏麟金曲《爱的根源》出战，肥妈话首歌好听。

 

虽然有舞台经验，但紧张难免。

 

方俊想透过参赛令歌唱事业有进步。

 

方俊完全冇走音，仲唱得唔错㖞。

 

方俊谦虚听评判意见。

 

表现获肥妈赞赏

张伟文去年坐轮椅开骚，肥妈曾卷入张伟文“惨不忍睹”事件，故方俊一出场肥妈就认得佢，她主动说：“你都好有舞台经验，我都见过你好多次(演出)。”另一位评判张佳添指方俊熟口熟面，肥妈即认叻补充说：“喺娱乐界你哋冇我咁叻，佢系张伟文经理人，同张伟文开过好多次演唱会啦...你个老师张伟文教得你几好呀。”肥妈及张佳添异口同声大赞方俊唱得好，不过肥妈指方俊较为紧张，唱歌时唔望向评判，肥妈再说：“唔可以喺镜头前赞你有几好，不过系好！”评判之一嘅周国丰就透过方俊慰问张伟文，方俊透露张伟文现时身体不错，只系记性略差。肥妈又再加嘴：“有你睇住佢唔紧要，祝福佢，同我问候佢。”

周国丰、张佳添及肥妈做第二轮海选评判。

 

曾卷入张伟文“惨不忍睹”事件嘅肥妈，一眼认出方俊身份。

 

肥妈仲认叻，话畀在旁嘅张佳添听。

 

周国丰知道眼前参赛者系张伟文经理人方俊都呆咗。

 

公开问候张伟文

方俊接受《星岛头条》访问时，对今次嘅表现觉得OK，但坦言都有少少紧张，但系整体好满意。他说：“伟文都知道我参赛，佢仲好鼓励我，话‘系时候我一个人行出嚟唱歌喇’故叮嘱我一定要参加。”他表示，其实今次参赛无论得失，都会带来一次好好经验：“我见到好多参赛者实力都好好，佢哋每一位都有自己独特嘅优点，令到我喺歌唱技巧上得到更多嘅启发。”至于网民亦力撑方俊靓仔声靓，唱得好听。

方俊喺后台巧遇另一时段评判韦绮珊。

 

网民力撑方俊靓仔细声靓。

 

仲赞佢唱得好听。

 

“靓声王”张伟文自2015年开始健康出现问题，饱受腰患、糖尿病困扰做咗两次腰椎大手术，暴瘦100磅，要坐轮椅代步，不过当方俊知道张伟文有事之后，他义不容辞咁去帮佢，仲承诺会一世照顾张伟文，有情有义。近年张伟文先后两次确诊，更失智严重，试过喺老人院撼头埋墙，唯独跟方俊拍住上开演唱会令他有所寄托，再展欢颜。

唔使孤寂喺老人院，有方俊陪住过节，张伟文特别好开心。

 

今年端午节，方俊安排张伟文跟fans午聚。

 

 

 

方俊及姚炜做过张伟文个唱嘉宾。

 

张伟文每次开个唱，方俊都喺后台睇到实。

 

每次开show，张伟文都会感动到爆喊。

 

去年张伟文确诊，方俊接他出院。

 

张伟文好感激方俊照顾周到。

 

方俊煲埋汤给张伟文补身。

 

饱受腰患、糖尿病困扰做咗两次腰椎大手术，暴瘦100磅，要坐轮椅代步，不过方俊承诺会一世照顾他。

 

张伟文手术费都由方俊负担。

 

立刻点击投票👉🏻https://tinyurl.com/38dfzwtv

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。