毛管戙奇景！紅磡豆腐店托板聚逾百曱甴 店員竟淡定3字神回｜Juicy叮

紅磡一間豆腐店被發現門前兩塊木托板聚逾百曱甴，恐怖奇景成為近日熱話，曱甴生猛亂爬震驚網民，傳媒到訪豆腐店職員則淡定回應，有另一番說法。

紅磡豆腐店托板聚逾百曱甴 店員咁回應 記者發現隔鄰鋪仲...｜直擊現場點擊睇↓↓↓↓

紅磡豆腐店托板聚逾百曱甴，現場位於馬頭圍道，可見托板放門外。（google地圖圖片）

 

網民拍到曱甴聚滿豆腐店外木托板

 

豆腐店都用托板盛載豆腐。（舊香港照片館FB圖片）

 

該紅磡豆腐店外兩塊均爬滿曱甴

 

網民拍攝到的豆腐店恐佈奇景，可見托板滿佈曱甴。

 

網民同時拍下影片，看到曱甴生猛郁動。

 

這一恐怖奇景，引發網民熱議。

 

場面令人看到毛管戙

 

無綫節目《東張西望》近日到訪涉事豆腐店

 

記者向店員出示有關曱甴滿佈托板的相片及影片求證，職員對此作出回應。

 

職員開頭只用3字回應：「掟出去。」意指托板為已棄之物。

 

記者：「即係唔要嘅？」

 

職員：「唔要㗎，佢嗰個垃圾佬遲啲會收......晏啲收，所以就唔知乜鬼......」

 

記者：「即係每一次係唔同板定點樣㗎？」

 

職員：「佢都係用返呢啲板呢嘅。」

 

記者：「會唔會擔心佢無清洗過，又運返豆腐畀你呀。」

 

職員：「佢會清洗，會消毒。」

 

記者訪問附近街坊，市民：「佢今日有，即係平時都有㗎啦，我咪唔幫襯佢囉。」

 

這位街坊坦言曾買過，「我都曾經買過呀！」

 

採訪當日，記者見到現場有清潔工人在洗地。

 

不過，豆腐店對出條街仍有不少曱甴橫行。

 

豆腐店門口在洗街後仍有不少曱甴。

 

曱甴滿地

 

雖然街道經清洗，但隨處可見曱甴亂爬。

 

曱甴與行人爭路

 

記者發現豆腐店旁的菜檔亦有曱甴為患

 

店內曱甴亂爬

 

菜上面亦有曱甴

 

曱甴在菜上面爬行

 

豆腐店旁後巷衛生環境亦差

 

街坊表示：「(衛生)係有問題，我頭先望落去，已經有三隻啦。」

 

市民促請有關方面盡快解決區內衛生環境問題

 

現場位於紅磡馬頭圍道一間豆腐店，有網民拍到該店門前一塊盛放豆腐的木托板，晚上門前，上面布滿逾百隻曱甴，全部生猛活躍，畫面恐怖。

無綫節目《東張西望》採訪有關店鋪，店員接受訪問時看到記者所示畫面，顯得非常淡定，未覺詫異，而且有另一番解釋。

網民熱議事件，認為非常震驚和嘔心：「真係乾淨又衛生。」「證明啲豆腐好好味啦！」「嘩，嚇死人。」「眼不見為乾淨。」「哇！密集恐懼症。」「好癲呀，隻隻都好大隻。」

同場加映：九龍城酒樓「飲茶限時1個鐘」！奇葩規矩惹議 事主：點心未齊已被趕↓↓↓↓

九龍城一間酒樓的飲茶規矩近日引發熱議，該酒樓訂明「飲茶限時1個鐘」，就算茶客多亦最多只可飲茶個半鐘，引發網民熱議。

九龍城酒樓「飲茶限時1個鐘」 網民熱論咁應付｜點擊即睇↓↓↓↓

九龍城一間酒樓的飲茶規矩近日引發熱議，該酒樓訂明「飲茶限時1個鐘」，就算茶客多亦最多只可飲茶個半鐘，引發網民熱議。

 

九龍城一間酒樓的飲茶規矩近日引發熱議。該酒樓在門外放置告示，訂明「飲茶限時」的制度。

 

該間位於九龍城的酒樓，在門口放置「飲茶限時」的告示。

 

根據告示，「飲茶限時」分三級。

 

（一）4位以下，須於1小時交檯。

 

（二）5至7位，須於1小時15分鐘交檯。

 

（三）8位以上，須於1小時30分鐘交檯。

 

事主在「香港茶餐廳及美食關注組」FB專頁發帖：「真係好誇張，飲茶要計時就算，一個鐘真係誇張咯，食麥當勞一個鐘差唔多。」

 

事主實拍了當時情況，見到涉事酒樓並非繁忙時段。

 

事主實拍了當時情況，見到涉事酒樓並非繁忙時段。

 

事主指出：「飲茶落單仲要等佢地蒸再擺上台一個鐘真係唔夠咯，平日又唔係假期，仲有好多檯就叫我地走。」

 

事主又指出：「搞笑係佢地單照加，點心未食就趕人，我地仲唔知發生咩事。」

 

事主：「啲野剛剛嚟都未齊，我哋只係剛開始食，如果假期好多人排隊，我哋一定唔會咁勞氣。」

 

事主對有關酒樓的規矩及服務態度非常不滿：「出面都無人排隊，隔離好多人時間都長過我哋，佢哋又唔趕。」

 

事主：「見到我哋係三個女仔，唔止語氣差態度都差，唔會再去！」

 

有網民問為什麼事主看到告示，仍願意入去？「妳去已經傻啦。」「無人逼你入去。」

 

事主回覆指根本看不到告示：「如果一開始睇到個牌，我哋肯定唔出聲啦，睇到根本唔入去啦。」

 

網民：「飲茶要限時真係聽都未過, 點心專門店都唔限時啦, 要快食我去茶記好過。」

 

網民：「唔走又點？未食晒點走？現在香港嘅服務真係好差，以前啲客早上飲茶飲到晚市，我哋都只能叫客人埋早茶嘅單，但可以慢慢坐，根本無可能叫客人走。晚上打雀局客人由四點來打到零晨四點都唔會叫客人走。」

 

網民：「嘆茶變逼茶，真係官人你要。」

 

網民：「趕客啫！我哋唔做佢食客咪冇事囉。」

 

網民：「上次成家去到門口，一見到個計時紙牌即刻掉頭。」

 

網民：「計時唔去。」

 

網民：「自助餐都有2個鐘。」

 

網民：「見到個牌寫一個鐘都唔會去呀，全世界得佢一間酒樓咩。」

 

網民：「一個鐘頭後唔走，佢又如何呢？數我又未找，肚又痛，佢趕我走？我即時暈低俾佢睇，叫埋白車，有的是時間。」

 

網民：「最憎計時嘅食肆，尤其係酒樓，又要收茶錢又要加埋一，仲要食到趕喉趕命。」

 

網民：「幾時酒樓變咗快餐店，大把選擇啫，唔一定要去。」

 

網民：「佢開酒樓應該都係為興趣。」

 

網民：「飲茶就係要嘆茶…嘥氣！」

 

網民：「大食比賽???? 限時咁巴閉。」

 

網民：「如果想舒舒服服飲餐茶都要限時1粒鐘，我讓給其他人好了。」

 

 

詳情瀏覽：九龍城酒樓「飲茶限時1個鐘」！奇葩規矩惹議 事主：點心未齊已被趕

----

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。