江若琳晒孕照望BB唔好似自己成嚿飯 蕭唯展貼《小燈塔》歌詞遭老婆連派8個emoji
35歲的江若琳（Elanne）與老公蕭唯展（Oscar）在去年聖誕節前夕宣布懷孕，終於造人成功，預產期是下個月，卸貨在即，兩人日前去影孕照，但靚媽的造型未見太性感，相中只見她穿上一條黑色的吊帶裙，手腳未見有水腫問題，完全是「長胎唔長肉」，她更留言感謝老公：「你令我重新見到呢個世界嘅真善美，我成日都叫bb千萬唔好似我，成嚿飯咁喺呢個社會生存冇著數。」得到老婆讚賞，蕭唯展連送兩首情歌嘅歌詞冧老婆，點知江若琳睇完忍住話：「做咩呢你？」
【相關閱讀】：35歲江若琳宣布「造人」成功：我倆等待你嘅出現足足4年啦
【點擊睇江若琳最新孕照】：
今次兩人的孕照表情鬼馬又不失溫馨，江若琳以「Dear my best friend」來稱呼老公：「唔知你將會係神隊友定豬隊友，但無論點都好我知你一定係一個好爸爸，因為你心地善良，你令我重新見到呢個世界嘅真善美。我成日都叫bb千萬唔好似我，成嚿飯咁喺呢個社會生存冇著數，我希望佢似你，善良得嚟又夠聰明，可以保護自己咁就夠啦！多謝你送我一個幸福嘅家庭，我哋要共同努力互相好好學習如何做一個永遠暖住孩子嘅心嘅好父母。#嗰啲好情深爸爸摸肚肚聽下個肚嗰啲完全搞唔掂#笑到爆晒廠。」蕭唯展先貼上周杰倫演唱的《可愛女人》的歌詞，接着又貼上老婆唱的《小燈塔》歌詞，點知江若琳睇完忍住話：「做咩呢你？」之後仲連派8個嬲嬲emoji。
江若琳和蕭唯展同年出道，在結婚前已經認識了將近10年，當時因為兩人有一段時間返內地發展，見面聚舊多了繼而開始相戀，蕭唯展更曾經說過：10年後的今天，我們再次遇上了，或許這就是對的時候，遇上對的人，我們會像過去一樣，給對方最大的支持，陪伴，珍惜，給對方最大的能量！唯一的改變是，我們之間換了一個身份，我們一起了！在未來的日子………你既船係我，你既燈塔係我，連岸亦都會係我！」
兩人結婚多年，一直都未有喜訊，江若琳稱所有坊間的方法，應試的全部試過，但可以不成功，最後發現原來是老公的問題：「檢查咗之後，發現原來我啲精子唔係好活躍，當時我都有問醫生有咩解決方法，佢話其實都冇乜解決方法。之後我就決心要做運動，唔係為咗減肥靚仔啲，係為咗成個人健康啲，去打破醫生話我去到呢個年紀冇咁活躍。」最後終於造人成功，江若琳大方分享自己當時的驗孕棒：「我見到好深色嘅兩條線，呢個係我一世都會保存嘅一份禮物。」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
