同屋企人去旅行丨關禮傑自爆不願讓女兒入行 關楓馨一聽到爸爸個名爆喊
TVB旅遊節目《同屋企人去旅行》,將於今晩(4日)起、逢周四、五晚上10時30分,今次邀請父女檔關禮傑+關楓馨、夫妻檔袁偉豪+張寶兒及 Patrick Sir(林溥來)一家做嘉賓,三組家庭各自齊齊放假去旅行。今晚播出的一集是關氏父女去惠州度假。原來今次是兩父女首次單獨去旅行,關禮傑自爆當初不願讓女兒入行:「你問過我,可唔可以選港姐入呢行,當時我應承話係可以,但我內心係唔願意。」
【點擊睇關氏父女《同屋企人去旅行》】:
今次的行程相當豐富,分別體驗了中式High Tea、海灘越野車、遊水東街夜市、浸住溫泉睇煙花以及出海玩帆船等,本來關禮傑為阿女打卡留念,點知畀關楓馨嫌棄擺甫老套兼拍照技術麻麻,她笑言:「啲角度完全係錯晒!」去到晚上,二人齊齊摸酒杯底盡訴心中情,關禮傑問女兒:「你依家喺娛樂圈,你覺得關禮傑呢三個字,係 咪一種負擔同壓力?」關楓馨真情流露爆喊,接着關禮傑自爆當初不願讓女兒入行:「你問過我,可唔可以選港姐入呢行,當時我應承話係可以,但我內心係唔願意。」
在明晚播出的一集,關楓馨媽媽調製獨一無二的香水,但製成品連她自己也覺得難頂,她笑言:「主要都係我阿爸聞,所以唔緊要!」期間關楓馨被爆有「鼻毛公主」之稱,關禮傑笑說:「以前好鍾意整蠱囡囡,又講臭腳又講鼻毛,所以得意啲幫佢改咗個名,叫鼻毛公主。」 在節目尾聲,兩父女坐在沙灘分享感受,關禮傑坦言經過今次旅行,感覺女兒成長了,父女間的默契亦增進不少,他更準備了親手製作的神秘驚喜送給女兒,搞到個女即場爆喊,最後忍唔住抱抱!
另一方面,TVB的官方YouTube頻道亦上載了一段關禮傑舉家在2004年出席《都市閒情》的節目片,當時關楓馨只有9歲,樣子與現在分別不大,講到喜歡現實抑或電視上的爸爸,關楓馨說:「爹哋做壞人同好人我都鍾意,不過我最鍾意係屋企個爹哋,佢成日都同我哋玩,有時佢『嗲』下我,我又『嗲』下佢。」關禮傑亦說自己即使工作幾忙,都會抽時間照顧女兒,但最辛苦的一定是太太。
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。