「生菜、白菜、芥菜⋯⋯」
最近，林婆婆打上港台節目《香江暖流》玩遊戲的片段在網上洗版，原本要在十五秒內講出最多「歌唱組合」，她卻聽錯，變成狂數「蔬菜組合」，表現精靈可愛，跟既要忍笑，又要提她「唔係菜呀！」的主持鄧添樂，齊齊彈起。
鄧添樂說：「林婆婆好醒！其實佢贏過幾次，有次要數海產食品，輕易就數出魚、蚌、蜆等等。」
人氣急升之下，配音、司儀和廣告等工作排隊送上門，他坦言恨接拍人生第一個廣告。畢竟，機會要好好把握。

鄧添樂感到開心，節目片段為大家帶來歡樂，「冇人讚我都冇所謂，只要大家唔開心時拎出嚟睇笑一笑，成件事抵晒！」

 

 

林婆婆係貴人

三十三歲的鄧添樂，跟林婆婆的互動為全港市民帶來歡樂，他忍笑到最後一刻才破功，表現專業。
「我平時好鍾意笑同講笑，每次亦認真同長者玩遊戲，如果當時我失笑，我驚林婆婆會唔開心，為咗尊重佢，所以堅持到最後。」
很多人對林婆婆的身份感到興趣，鄧添樂指她已經七、八十歲，因為怕打擾對方，而沒有在片段爆紅後跟她聯絡，但就自覺跟她很有緣，「我覺得林婆婆係貴人，佢令我多咗人認識，又食多咗菜。」
節目中，他考林婆婆對蔬菜的認識，原來私底下的他甚少食菜。訪問這天，要他隔空battle林婆婆，雖然他一口氣數出：「生菜、菠菜、皇帝菜⋯⋯」但當突擊考他枱面上有哪種菜時，他即刻露餡，「白菜仔、菜心，哈哈哈，通菜我鍾意，椒絲腐乳通菜嘛，仲有⋯⋯菜，全部都係菜！」
眼前的他，開朗又玩得，誰會想到節目片段在網上瘋傳頭兩日，他因為突然多人留意自己而壓力爆煲：「眼光光瞓唔着又冇胃口，體重由150磅跌至147磅，好彩三、四日後調節心態，接受咗大家對我嘅賞識，諗吓可以點樣再做好自己。」

深受老友記歡迎的他，認為關鍵最緊要有耐性，和願意陪伴他們。

 

2月時，林婆婆再挑戰十五秒數海鮮，成功贏得超市禮券，夠勵志。

 

1月的節目片段近日在網上瘋傳，他忍笑聽住林婆婆問非所答狂數菜，令人笑到標眼水。

 

鄧添樂獲讚有把靚聲，「係練番嚟，當年沖涼會用唔同tone，試讀沐浴露的成份。」

 

孻仔孻心肝，對上有四個姊姊的他，自細被鄧媽媽錫到燶。

 

他勇字掛心口，不諳水性卻走去潛水，「試吓囉，都有啲緊張。」

 

天生瘦底的他，長大後夢想是參加健美比賽。

 

他好鍾意唱歌，閒時會和同學唱K，中六時試過參加歌唱比賽唱《失樂園》，可惜被叮出局。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。