百歲梅媽斥梅啟明「唔好好似癲狗咁」 下通牒再周圍搞人:阿媽係唔會原諒你!
「遺產界KOL」梅啟明上月23日在銅鑼灣餐廳工作期間,不慎跌傷送院,留醫13日的梅啟明,出院第一件事坐上的士往聖保祿醫院找梅媽(梅覃美金),揚言要「炒」梅媽的近身私家看護,力數對方封鎖消息、偷錢、待薄梅媽等三宗罪!不過梅啟明遭到梅媽接見,一度硬闖上病房,但保安攔截,梅啟明隨即發爛渣,指醫院禁錮病人,要求見護士長,病人聯絡主任向梅啟明表示若有懷疑病人遭禁固,可以報警,強調只是為病人向他轉達訊息,最後驚動警察到場,警察代梅媽向兒子稱暫時不想被人打擾休養,希望他早日康復,行正途及積極正面做人,待養好身子就會見他,不要到醫院影響其他病人。雖然梅啟明多番致電給梅媽,但多次被「cut 線」,其後梅媽亦有接受傳媒訪問,,梅媽堅決拒見兒子︰「佢改番做好人,我就會見佢,唔好好似癲狗咁,佢咁做我好痛心!人可以變,月可以圓,變返好我先見佢,唔改咪唔好見囉。」
【相關閱讀】:
梅啟明出院精神奕奕即搭的士搵梅媽 求見被拒大鬧醫院發爛渣推撞保安
【點擊重溫遺產界KOL過往瘋狂行徑】:
梅媽在今年農曆二月已經踏入100歲,當時因為不想梅啟明搞亂檔,於是一班朋友到醫院為她慶祝,百歲的梅媽中氣十足,對梅啟明曾多次提及其泰籍女友曾獲梅媽接見,而且更聲稱「係我阿媽嗌我出院就去搵佢」,梅媽坦言最初誤認泰妹是舊朋友,現在知道是泰妹後,梅媽直言不會見:「除非阿明會改變,否則佢一世都唔好見。」梅媽稱阿明只要冇錢用,就周圍問人俾錢:「佢唔好成日鬧呢個鬧嗰個,無用㗎,只會乞人憎。唔止鄭姑娘,佢係人都鬧。咁乞人憎係自己造成,無人睬佢。」她又稱自己在醫院的膳食好好,絕非「無啖好食」。
如今梅媽能長命百歲,她笑稱上天給予的接受,不過想到二子梅德明、梅愛芳和梅艷芳兩個女兒 先後離世,她傷感地說:「喺我度出嘅四個,三個都走咗,點解三個好嘅就走咗,我嘅痛苦就係咁樣。」
今早梅媽再致電網上節目主持潘小文,潘小文轉述梅媽的說話:「佢話叫梅啟明唔好搞咁多嘢,搞咁嘢令到阿媽好唔開心,而家佢做嘅每一嘢,都令到梅媽好心痛,希望佢可以踏實啲做事,做返個好人。」接着再說:「如果你好好做人,阿媽都會原諒你,如果繼續周圍搞人,搞呢個搞嗰個,阿媽係唔會原諒你!」
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。