独家丨59岁吕方甜笑大爆绝密凑女日常 蒲精变慈父几十年烟瘾话戒就戒

相隔8年，吕方于下月4及5日再踏红馆举行两场个唱，59岁的他与圈外人伍惠宝奉女秘婚近3年，由昔日“蒲精”变身住家男，吕方更为两岁半饼印女 Emma (吕晨)成功戒烟。老来得女，慈父上身的他一提“吕神”系咁笑，开口埋口被融化，又话“原来有小朋友咁快乐”！问到会否请老友梁朝伟做嘉宾，吕方答得搞笑，“佢都唔钟意唱就冇谓啦。”。采访：方骞平 摄影：朱伟彦 场地：Sup1

明年“登六”的吕方呈现幸福肥。

 

吕方有女万事足。

 

吕方提起个宝贝女就开心。

 

现阶段吕方轻松自在。

 

话咁快吕方入咗行40年喇。

 

吕方一家三口生活美满，因为年纪及体力问题唔会再追。

 

3年前因为疫情，吕方未能重返红馆开Show要改期至下月，无心插柳撞正入行40周年。届时必唱《弯弯的月亮》及《听不到的说话》等经典歌。他表示，如果老友杜德伟在港一定助阵做表演嘉宾，至于正为新戏《风再起时》宣传的梁朝伟，吕方就有所保留：“以往从来冇叫过佢，但其实可以请佢嚟睇骚，但打人情牌力邀佢上台就冇谓喇，当年我拍音乐辑都请过佢唱歌，不过，佢都唔钟意唱就冇谓啦。”问到会否安排乖女上台？吕方即紧张大师上身话未决定：“老婆赞佢有音乐天份又钟意唱歌，建议佢上台玩吓，我唔太赞成，佢得两岁几仲系细，如果见到咁多人吓到大喊都唔知点处理。”他又自爆每次播佢嘅歌囡囡都零反应，说时一脸落寞。

相隔8年多吕方重返红馆开Show。

 

张学友、梁朝伟、钟镇涛都系吕方密友。

 

多年来亲密战友杜德伟在港的话，一定现身个唱撑场。

 

吕方8年前红馆个唱请来徐小凤做嘉宾。

 

囡囡有唱歌天份。

 

锡囡囡多过锡老婆

转眼入行40年，吕方形容时间过得好快，感慨说：“有高低起跌先系人生，畀我重新玩一次你话几好呢？不过，去到呢个阶段系人生另一个高峰，我好享受家庭及囡囡，佢哋畀到我喜悦系形容唔到嘅，原来个女咁可爱同聪明，𠵱家仲醒目过我，真系被佢融化…系晕呀！唔生女真系唔知…”他愈爆愈多，坦言暂时锡个女多过老婆，语毕又戴返个“头盔”解画：“讲真锡佢哋系一世嘅，个女肯黐我呢个过程得几年。”他又开心share凑女日常：“每个阶段对个女有唔同锡法，初出世会帮囡囡换片、扫风、喂奶、就算睇住佢去厕所都系乐趣，当我发现每次陪佢去完厕所，佢会好温馨咁望住我，体会到原来除咗‘姐姐’以外爸爸都会做呢啲事，会对我特别好，咁我就特别enjoy去做。佢又似足我好为食，岁几经已食大人嘢，如芫茜及榴莲，平时唔使喂佢食。”

同期出道嘅张学友都计划今年开演唱会。

 

吕方亲自喂B女饮奶，好享受做爸爸。

 

矮矮细细四眼学生look，吕方傻傻气跟前辈张国荣及李龙基合照。

 

吕方有女万事足，坦言现阶段锡个女多过老婆。

 

两父女一样咁为食，“吕神”有得食就最开心。

 

吕方系1983年第二届新秀冠军，当年由“香港乐坛教父”顾嘉煇颁奖。

 

作息正常想玩耐啲

以前吕方爱自由自在，年轻时和杜德伟、罗文等疯狂去Disco饮酒、跳舞，经常玩天光唔愿瞓：“𠵱家陪个女早睡早起，晚间约会只会搬返屋企。”他仲自爆为宝贝女成功戒烟：“食咗几十年烟以前戒极都唔得，直至囡囡几个月大闻到烟味拧开块面，我就话戒就戒，见到个女乜烟瘾都冇，连老婆都唔敢相信，呢个都系做咗爸爸嘅责任问题，我都希望身体健康可以玩耐啲，唯有做好自己，生活要正常啲。”他自言有个女经已活在快乐中，用强调语气话：“出面讲乜都听唔到，唔会影响到我，我唔会睇新闻。”

年青时吕方崇尚自由，经常跟梅姐(梅艳芳)夜蒲Disco。

 

黎姿嘅“出土文化”中，当年吕方跟郭富城都好年轻，一脸稚气。

 

未够3岁的“吕神”相当精灵，吕方赞宝贝女比他聪明。

 

两父女好Sweet。

 

 

 

 

同吕方饼印一样。

 

阿女喊到吕方心都乱埋。

 

好可爱呀。

 

《星岛头条》APP经已推出最新版本，请立即更新，浏览更精彩内容：http://www.stheadline.com/

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。