「綠葉王」楊證樺父親竟是汪明荃訓練班同學 美國出生童星出道愛守規矩演紀律部隊

TVB綠葉演員47歲的楊證樺，原名余浩文，在台慶劇《超能使者》飾演「高佬」一角，因一場父子生離死別的催淚戲，發揮超班演技令人動容。楊證樺日前接受TVB娛樂新聞台《星光路上》主持潘盈慧訪問，大談入行的契機，原來與父親曾讀藝員訓練班有關，而且楊證樺的爸爸更與汪明荃是訓練班同期同學。他將演員視為「終身職業」，希望做到百年歸老，又指自己每個角色都應付有餘，會做足100分。

【點擊睇楊證樺經歷】：

TVB綠葉演員47歲的楊證樺，視做演員為「終身職業」。

 

楊證樺大談入行的契機，原來與父親曾讀藝員訓練班有關。

 

楊證樺是童星出身。

 

楊證樺的父親原來是汪明荃的訓練班同期同學，不過後來移民到美國，未有入行。

 

楊證樺從小聽父親的經歷，對演藝圈產生好奇。

 

楊證樺曾參加第15屆新秀歌唱大賽紐約選拔賽勝出，不過返港後直接入讀訓練班。

 

楊證樺做舞蹈藝員是由麥德羅鼓勵，當時一邊拍戲，一邊跳舞。

 

楊證樺其後加入TVB，由啟蒙老師羅冠蘭教做戲。

 

楊證樺曾給自己一個限期，若未「達標」便轉行。

 

最終愈來愈鍾意演員之路，一做就到依家。

 

楊證樺在劇集《巾幗梟雄之義海豪情》中飾演日本軍官「宮崎少佐」一角，全以日語對白演出。

 

楊證樺說：「本身唔識日文，完全唔識，得嗰9句之嘛，學咗佢囉，有幾難啫，其實我嗰陣學呢，係逐個逐個字學。學完個音再知道個意思，跟住就膽粗粗試拍，又好順利喎。」

 

楊證樺之後收到監製李添勝的電話，更獲機會拍集中營戲。

 

當時要拍8、9場戲共幾頁紙對白，雖然好大壓力，但他表示已盡做。

 

楊證樺之後又與太太沈可欣在《踩過界》扮演夫婦，演聾啞人。

 

楊證樺說：「嗰時網民話你個角色講嘢咁嘈嘅，咁大聲，好吵耳，我係專登設計落去嘅。」

 

楊證樺指自己設計角色時問過相關人士：「佢控制唔到佢嘅聲線，會聽唔到，你代入咗落去，我真係聽唔到，咁你就自然有。」

 

楊證樺在《超能使者》做爸爸的角色，直言最初聽到故事時感到好淒涼。

 

楊證樺坦言為投入角色：「嗰排係Keep住唔開心，當我拍我就全情投入、代入落去，出到嚟效果就變成依家咁。」

 

楊證樺自認是個有使命感的人：「我好鍾意做紀律部隊角色，我係一個幾守規矩嘅人。」

 

楊證樺因為過份認真，曾被同事問「使唔使咁樣」，他卻認為：「認真啲快啲拍，拍完咪大家快啲走囉，唔好嘻嘻哈哈嘥晒啲時間啦。」

 

楊證樺與太太沈可欣育有兩子。

 

楊證樺表示對小朋友都幾嚴謹，絕對是惡爸爸。

 

楊證樺說：「惡得嚟我會同佢講道理，會比機會佢，一次、兩次，跟住就罰佢。」

 

楊證樺指囝囝曾試過搵媽咪求救：「我媽咪都鬧埋，你唔好呀，一定要（做嚴父）呢個角色。」

 

美國出生的楊證樺在香港長大，以童星身份入行，他憶述當年有個同學是做童星，感到好得意，問對方可否帶他去玩，跟住便入行。 至於點解會咁鍾意拍嘢，他說：「我爹哋以前其實都係呢一行，但係佢係讀完訓練班，佢同汪明荃同期，冇做呢一行，跟住就移民咗去美國，之後成日聽到呢個故事覺得呢個圈好吸引。」

楊證樺第一次拍劇是《闊少爺當差》，當時由主演的麥德羅推薦他做舞蹈藝人：「麥德羅就問有冇興趣做dancer呀，跟住佢就介紹咗我去學，當時就一邊跳舞一邊拍嘢，10幾歲，後尾長大啲參加歌唱比賽，曾參加第15屆新秀歌唱大賽紐約選拔賽勝出，好想入呢行，最後就立心返嚟入TVB，我冇參加香港新秀，直接入訓練班，做到依家。」他當時入訓練班是以旁聽生身分，他指羅冠蘭是其老師，由第一日開始就被打擊，教學員由低做起。工作了一段時間，楊證樺曾給自己一個限期，若未「達標」使考慮返美國做理髮等工作，他說：「開頭有咁諗（轉行），後尾愈做愈愛呢間公司，愈嚟愈鍾意演員呢條路，尤其是一個前輩陳鴻烈，直到烈哥過身，我自己Set咗去個目標，做演員係我嘅終身職業，直到我做唔到為止，做演員係我嘅一個方向，變咗我就無咗個限期，監製俾我嘅工作得四個字『務必完成』。」

在劇集《巾幗梟雄之義海豪情》中飾演日本軍官「宮崎少佐」一角，楊證樺的對白全以日語演出，他坦言本身唔識日文，最初是逐粒字學，再理解當中意思，就進行拍攝，之後收到監製李添勝的電話，還以為拍攝出現問題，得悉獲對方肯定的稱讚，非常開心，之後更叫他與黎耀祥及鄧萃雯拍在集中營的場面，要講幾頁紙日文對白，足足有8、9場戲，雖然壓力大，但他努力盡做。

至於在台慶劇《超能使者》中，楊證樺記得當初聽到監製文偉鴻講解故事時，已覺得好悽涼，未睇劇本已想喊，接下角色後，他一直保持低落情緒，拍出來才有此效果。楊證樺又自言愛守規矩，因此喜愛演紀律部隊角色，而且開工時過份認真，不想浪費時間嘻嘻哈哈，曾為此被同事好奇問「使唔使咁樣」。他又透露自己在家中是一名嚴父，教育兩個囝囝甚嚴格，就算老婆沈可欣幫口都無面畀。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。