【曾智华专栏】“唔要”与“嚟真”

每逢周一及周四早上，当我进入茶记时，必听到隔篱枱班的士大叔在哭马丧及哭波丧（奇！点解成日输㗎？），当然粗口满天飞。
　　
前日朝早又上演，先哭波丧。肥叔：“顶佢头锤，有冇搞X错，曼城输畀包尾嘅修咸顿零比二？肯定打假波啦！”
　　
其实有哪个资深波及马投注者，会不知以上两项“运动”皆有经常性的蛊惑？若你唔知，抵你输死未天光，太“赖依芙”也。
　　
曼城输畀修咸顿，因“唔要”！在领队“调教”下，搞到全场零次攻门，以保证食白果，真真“心狠手辣”！点解？因冇兴趣要只烂鬼“英联杯”，但唔打又唔得，咁咪输咗算囉。呢类“唔要”赛事，强队必须百分百放软手脚，以
保证输波。一方面唔使晋级继续打“杯仔赛”，更重要畀个机会“知情人士”执返多少，明未？
　　
其实“唔要”现象，马场更多。早两年小弟不停在揶揄莫雷拉为拉叔（拉缩），正有此含义。结果佢只一次被捉“垂手停催”，马会宽宏大量嘞。莫蕾拉拜拜冇人欢送，活该！
　　
另一“只手遮天”的冠军骑师潘顿又如何？你话呢？想知，简单，周三佢上阵的几场，大家翻睇巡逻影片，自然“会心微笑”，必似班的士大佬猛喊：“哗，咁都得？”
　　
有乜唔得？此乃跑马，你估竞赛小组唔知咩？不过⋯…潘顿周三只骑六只马（离奇，佢通常Full Book的）。结果表演精采，两匹半冷及冷门跑第一，两匹跑第尾。另外，死咗一只全热门，边只“嚟真”，边只“唔要”，作为马迷要升呢，必须学睇“手影”！
　　
周三本栏独提供一只“发财先锋”，两倍Easy Win，无大满足感，胜在命中！
　　
明日最具欣赏价值为第十场，明星马众多，我独选“添泺意”买WP，进步中佳驷兼有分头！

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。