刘伟强拍《无间道》集齐四位影帝大呻麻烦 杜汶泽狂NG开拍首日就想炒
电影《无间道》今年迎来20周年，最近推出三部曲的4K修复版，再登大银幕，电影将于明日（12日）上映，最近导演刘伟强、麦兆辉一同上谷德昭主持的ViuTV节目《爆谷一周》大谈当年拍摄轶事。构思剧本的麦兆辉透露《无间道》启发自吴宇森的荷里活电影《夺面双雄》（Face/Off）：“我觉得好好睇，但唯一令我唔相信有一个手术可以令两个人换脸。于是我由𠮶刻开始谂，有冇一个戏剧嘅方法令两人交换身份。”后来创作出《无间道》的剧本，不过刘伟强一睇就表示“唔得”，因为最初的电影暂名叫“杀警”。
相关阅读：57岁刘嘉玲著超低胸贴身衫庆生 网民赞叹完美身段逆龄生长：fit到好夸张
【点击睇刘伟强麦兆辉讲《无间道》】：
当时无间道集齐香港四大影帝刘德华、梁朝伟、黄秋生及曾志伟，麦兆辉笑说：“最初系谂住我拍，佢（刘伟强）监制，但如果佢监制我拍，我得到嘅演员可能系陈冠希加李灿森。佢中间提出我哋联合导演，揾大啲卡士，我即刻𦧲饭应。”刘伟强透露当初最先找刘德华，更获对方一口答应，麦兆辉表示：“佢一开始睇完剧本已经知系双雄片，后来知道我哋揾咗梁朝伟，华仔好公道，佢话畀伟仔拣先。”
刘伟强续说：“佢哋两个都唔拣，我哋用最简单嘅方法，刘建明畀刘德华做，伟仔做另一个角色。佢哋都聪明，无论边个做都有出色表现。跟住4个主角，我同佢（麦兆辉）讲，‘反正都系揾晒影帝啦’，跟住我哋见咗好多影帝，秋生、志伟，咁就凑够4个。”刘伟强还笑说4位影帝都好麻烦：“我记得有次约齐4个上嚟，我哋有围读，𠮶阵啲戏边有戏会有完整剧本围读，大家上嚟揭下剧本，跟住问‘你点做啊？’，秋生话：‘我点做关你咩事’。其实个气氛系好嘅；我仲记得秋生话要将个剧本摆喺书枱上面，剧本写得好，大家就想搞好佢。”
谷德昭提到戏中“傻强”杜汶泽经典对白“当一个人好专心去做一样嘢，但佢又望住你，佢就系警察”，令他印象深刻。麦兆辉透露曾修改过很多遍，这句说话也是百份百原创作：“我成日觉得一部好嘅商业片，系有啲嘢大家开心、笑，各样嘢都要有。”谷德昭赞杜汶泽演得好，但刘伟强就大爆曾想努炒对方：“我拍完第一下想唔用佢，𠮶个镜头我好辛苦坐喺滑轨上，伟仔入去时追住佢拍，杜汶泽只系做一个好简单嘅表情，伟仔入镜。NG咗十几次，跟住我拧转头望住麦兆辉。”麦兆辉笑说：“因为我话要用杜汶泽。”
节目中亦展示当日拍戏时的“连戏相簿”，里面有当日多张珍贵剧照，上面写上“无间行者”，麦兆辉解释说：“喺“杀警”之后，working title改咗‘无间行者’，但系同日本漫画撞名，我自细屋企信佛，已经知无间嘅意思，觉得呢个名好啱呢套戏。”至于后来改名《无间道》原来也有段故，麦兆辉透露当时林建岳公司开戏有个传统希望白龙王师傅改戏名，你要畀啲戏名佢拣，跟住提供几个好鸡嘅名。”刘伟强笑说：“我去泰国见师傅，师傅唔识中文，我读畀佢听，到《无间道》就大声啲，咁佢就拣𠮶个。”
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
