超能使者丨劉穎鏇出浴戲露靚玉背 陳山聰搏盡唔錫身

由文偉鴻(Jazz)監製，陳展鵬、唐詩詠、陳山聰、劉穎鏇（Tiffany）、林子善等演出的TVB台慶劇《超能使者》於今晚9點半翡翠台播映。近日從預告片見，6大角色「骨精年」鍾孝年（陳展鵬飾）、「電視城Q姨」喬若嵐（唐詩詠飾）、「大隻勇」高勇（陳山聰飾）、「深水埗Open姐」柯翠屏（劉穎鏇飾）、「短身高手」高守（林子善飾）及「獨行威仔」張健威（沈震軒飾）都引人入勝，劉穎鏇角色更是吸睛，連場打到「飛」起外，仲有場Tiffany露背出浴戲及僅以毛巾蔽體的打鬥戲，Tiffany透露：「因為條毛巾著唔實，所以服裝姐姐好貼心咁用線幫我縫好。」對於獲網民激讚身材Fit爆，Tiffany透露開拍前有專登跑步及控制飲食修身：「我喺呢套劇嘅身形肯定瘦過選美嗰陣！」

劉穎鏇的出浴戲於製作特輯中曝光。

吸睛靚玉背。

因為條毛巾著唔實，所以交由服裝姐姐做手腳。

其中有場打鬥戲僅以毛巾蔽體。

劉穎鏇仲有着三點式鏡頭。

劉穎鏇拍呢套劇嘅身形肯定瘦過選美嗰陣！

長腿帶來煩惱

繼劇集《兄弟》後，Tiffany第二度做打女，武導郭追為她設計街頭式打法，拍前要接受出拳、擋拳及踢腿等連串特訓，Tiffany坦言過程中一雙長腿為她帶來不少煩惱，皆因筋骨太硬：「最難係踢腿、起腳，為咗畫面靚啲就要隻腳伸直啲，但我啲筋唔鬆，所以都下咗好多苦功，亦拍咗好多Take，全部我都親身上陣，做得好我覺得好有成功感。」由於保護墊難藏於小背心及熱褲，故Tiffany很多時「零Pad」上陣，撞到周身瘀傷，但她笑言少少傷痕No problem。監製也給予Tiffany 8.5分：「我睇到佢有團肯拚搏嘅火，所以《隱形戰隊》都繼續搵佢打。」

Open姐會同黑幫大佬之子賀逸熹（陳國峰飾）一齊飲酒，最後仲打起上嚟。

打得好認真。

Tiffany很多時「零Pad」上陣，打到傷痕纍纍。

監製也給予Tiffany 表現8.5分。

劉穎鏇劇中有美少女Look。

武導郭追為劉穎鏇設計街頭式打法。

Tiffany第二度做打女，打得相當落力。

憑空想像演戲

另外，陳山聰飾演的「大隻勇」經常被Tiffany欺負，劇中武功高強的他擁有「刀槍不入」超能力，製作特輯中更率先解構大隻勇「以臂擋車」一幕。監製透露，為打造完美撞凹車效果，劇組於現場Set Wire，以另一部車拉動「被撞車」撞向特制鐵架，再合成山聰演繹擋車的畫面，之後再為事先取出的車前機件拍下高像素照片，後製成3D Model營造出零件飛散的逼真效果。對於為配合CG要憑空想像演戲，山聰坦言很艱難：「自己拍時真係幾難揣摩，好彩Jazz喺現場指導我哋，我哋同武術指導都試咗好多次，今次係我拍得最辛苦同開心嘅劇，係好好嘅經驗。」作為「武打擔當」之一的山聰獲安排不少高難度動作場面，而他亦幾乎親身上陣：「我係一個搏到盡嘅演員，我會喺有底線下嘅情況下放到盡，太避忌就好多嘢做唔到。」另預告及特輯中，亦披露了子善飾演的「短身高手」和沈震軒飾演的「獨行威仔」均擁有「預知未來」超能力，當「舞男」搵快錢的子善還不乏騷肌跳舞場面。

陳山聰於劇中擁有「刀槍不入」超能力。

製作特輯中，亦解構山聰「以臂擋車」場口。

一幕的CG製作畫面。

 

Open姐和大隻勇是歡喜冤家。

陳山聰及劉穎鏇有好多對手戲。

劇中當健身教練的子善不乏操肌場面。

子善操到好fit。

林子善飾演的高守後來當「舞男」搵快錢。

沈震軒與扮演黑幫大家姐的王君馨有感情線。

沈震軒喺劇中甚有發揮。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。