周国贤离婚丨回顾两公婆温馨甜蜜时光 IG删晒囡囡相微博仲有大量凑女照

周国贤（周仔）于尾场演唱会多次在台上感触落泪，特别唱出《天使》时暗示与韩籍老婆李美英已分开。事后他接受访问时直认已离婚年半，又不愿多提女儿，他说：“是分开了！我们选择用另一个方法去爱，大家依旧是好好的朋友，双方都有共识分开，我只想回应一次，放下过去的自己，对所有人来讲，都是重新开始。”

尾场嘅周仔好感怀，系咁喊。

周仔同老婆于2001年结婚，当年周仔年仅22岁，婚后一年老婆生咗大女Clara，6年后诞下二女Rachael，2010年细女Elisia出世。其实以往本报经常拍摄到周氏一家出外食饭、到南湾游水，或者老婆抱埋囡囡去捧周仔场，两公婆曾经好恩爱，一家非常幸福。

19年曾被传媒拍摄到同老婆去接囡囡放学，话咁快囡囡已亭亭玉立，三个囡囡分别已20岁、15岁及12岁。但近年已久未见两公婆同框，周仔亦好耐冇上载过有关囡囡嘅帖文，至直认离婚就师傅明白了。

睇周仔IG九成都系工作有关嘅Po，有关囡囡嘅帖文已全部删走，反而微博就有好多生活照，不过已久未更新，可能当事人都唔记得有呢个社交平台，所以仍然Keep住唔少凑女相，包括手抱囡囡、囡囡拎相机影爸爸、囡囡去沙滩玩、囡囡街拍及囡囡的画作，周仔更不时多谢囡囡，“多谢小R在爸爸的天空灰灰的时候，送了一条引领我回到光明的彩虹，you are my rainbow!? and sunshine!! ”

TEXT:SW

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。