鄧詠雪擔任美人魚大使 被莊韻澄囝囝鯊魚裝搶晒鏡

舞蹈員出身的鄧詠雪（雪子），2014年與陳蕊蕊、陶枳樽和何麗娟組成女子歌唱組合「HunterZ」，兩年後解散。及後雪子接觸不同幕前工作，最近獲海洋公園水上樂園邀請擔任全港唯一互動人魚水上嘉年華表演嘉賓，好友莊韻澄（Xenia）更帶1歲半兒子波子到場支持及體驗美人魚。

Xenia囝囝波子穿上一件鯊魚裝，在鏡頭前走來走去搶晒鏡，媽咪在社交網搞笑留言：「條鯊魚又不停阻止人影相，美人魚其實背景嚟，我哋自己搵食。」

 

邊個阻住人影相？

原來係Xenia嘅1歲半囝囝波子，件鯊魚裝係有型嘅。

完美遮住媽咪同雪子姐姐，佢哋要自己搵位攝。

有水玩梗係開心。

 

 

雪子表示能夠擔任美人魚大使感到開心，她說：「我喺香港已經推廣咗美人魚差唔多六、七年，好開心香港終於有第一場嘅美人魚表演，當中有互動環節，小朋友可以參與其中，又有帶出海洋保育嘅訊息，希望無論小朋友同大人睇完表演，都可以大大力繼續愛護我哋嘅海洋。而且表演完咗之後又可以參加美人魚體驗班，着上漂亮嘅魚尾拍照留念。」首次體驗美人魚感受的Xenia則說：「原來做美人魚真係一啲都唔簡單，不過着上魚尾真係好靚。」
 

大人細路都可以參加美人魚體驗班。

雪子喺香港已經推廣咗美人魚六、七年。

香港終於有第一場嘅美人魚表演。

雪子搵咗好友莊韻澄嚟支持。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。