防弹V Jennie再爆热恋証据 男方3400万港元豪宅?口黐实合照曝光

韩国两大超红组合BTS及BLACKPINK的成员V仔、Jennie爆出绯闻，继今年5月两人被游客偷拍同游济州岛的照片后，本周二又有一张V仔在化妆室整头照片流出，相中更见到Jennie在V仔身后拎手机拍住V仔，而V仔更展现怕羞笑容。但全球ARMY(BTS Fans暱称)继续唔相信偶像有拖拍，继指游济州的相片是合作图片后，又指化妆室合照同样是P图，更放大图片分析光暗位，相当好笑。

 

今年5月，两人同游济州被游客偷拍放上网，当时大量Fans话系合成图。

 

Jennie有一副一模一样嘅黑超。

 

化妆室同框照，睇吓V仔笑得几怕丑。

 

有Fans即揾出Jennie旧照，发现佢有同相中人一样嘅手炼。

 

Jennie亦有一样的手机壳及外套。

 

从V仔衣着可见，应该是今年6月出发去巴黎出席YSL时装展前，Jennie陪佢整头，临出发前见到女友所以V仔超风骚。

 

当Fans仍在沉醉分析化妆室同框照真假时，寻晚Twitter爆料人唧牙膏式再放V仔同Jennie的新合照，还附加非常挑衅性的留言，“JENNIE真系好钟意同BTS的泰亨合照，仲好钟意同朋友分享合照，或者记者可以喺两人喺美国期间问吓佢哋系咩关系。” 

 

爆料者嘅Twitter帐号系新开，首个PO就系贴化妆室同框照。

 

第二个PO就串爆Jennie好钟意同朋友晒跟V仔嘅合照。

新相是两人穿上白Tee加深绿裤情侣装在等电梯，Jennie黐实V仔对镜自拍，从现场环境可见，是V仔于19年一炮过以51亿韩寰（约3400万港元）购入，位于首尔江南区三城洞的SK Apelbaum 3000呎豪宅电梯位，翻睇V仔的IG，发觉V仔都好钟意喺同样位置自拍“今日着咩衫”。

 

情侣装上阵。

 

留意右下角放喺地下嘅画，合照中亦可见到。

 

自拍位。

 

V仔好钟意等电梯玩自拍。

 

虽然証据确凿，但有好多Fans仍然觉得系P图。

 

好固执呀啲Fans。

 

有指图片出自Jennie的私人IG，有网友疑惑女方是否被亲友出卖，但亦有心水清Fans觉得Jennie有心流出合照宣示主权。对于同框合照不断曝光，又有指两人将因工作同到纽约有机会约会。Jennie所属经纪公司YG提到，BLACKPINK在今日(25日)前往美国后，要参加MTV VMAs，以及宣传第二张正规专辑，“预计会消化各种紧凑的行程”，似乎想用“工作忙碌”、“冇时间”来间接回应Jennie唔会同V仔喺纽约约会。

 

BLACKPINK今日出发到纽约工作。

 

至于V仔的公司HYBE到目前仍未就V仔绯闻发表任何讲话，但以往V仔仍传过跟富家女拍拖，或者队长RM传结婚，公司都会火速出来否认，但今次VJ恋，公司仍然选择沉默，其实V仔都26岁（韩国年龄27岁），拍拖都好正常，Fans学吓接受，祝福偶像啦。

 

V仔嘅屋企一栋只有17个单位，仲要一梯一伙私隐度极高。

 

V仔上机后自拍，睇佢笑得几甜，梗系啦可以去纽约拍拖。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。