防彈V Jennie再爆熱戀証據 男方3400萬港元豪宅?口黐實合照曝光

韓國兩大超紅組合BTS及BLACKPINK的成員V仔、Jennie爆出緋聞，繼今年5月兩人被遊客偷拍同遊濟州島的照片後，本周二又有一張V仔在化妝室整頭照片流出，相中更見到Jennie在V仔身後拎手機拍住V仔，而V仔更展現怕羞笑容。但全球ARMY(BTS Fans暱稱)繼續唔相信偶像有拖拍，繼指遊濟州的相片是合作圖片後，又指化妝室合照同樣是P圖，更放大圖片分析光暗位，相當好笑。

 

今年5月，兩人同遊濟州被遊客偷拍放上網，當時大量Fans話係合成圖。

 

Jennie有一副一模一樣嘅黑超。

 

化妝室同框照，睇吓V仔笑得幾怕醜。

 

有Fans即搵出Jennie舊照，發現佢有同相中人一樣嘅手鍊。

 

Jennie亦有一樣的手機殼及外套。

 

從V仔衣著可見，應該是今年6月出發去巴黎出席YSL時裝展前，Jennie陪佢整頭，臨出發前見到女友所以V仔超風騷。

 

當Fans仍在沉醉分析化妝室同框照真假時，尋晚Twitter爆料人唧牙膏式再放V仔同Jennie的新合照，還附加非常挑釁性的留言，「JENNIE真係好鍾意同BTS的泰亨合照，仲好鍾意同朋友分享合照，或者記者可以喺兩人喺美國期間問吓佢哋係咩關係。」 

 

爆料者嘅Twitter帳號係新開，首個PO就係貼化妝室同框照。

 

第二個PO就串爆Jennie好鍾意同朋友晒跟V仔嘅合照。

新相是兩人穿上白Tee加深綠褲情侶裝在等電梯，Jennie黐實V仔對鏡自拍，從現場環境可見，是V仔於19年一炮過以51億韓寰（約3400萬港元）購入，位於首爾江南區三城洞的SK Apelbaum 3000呎豪宅電梯位，翻睇V仔的IG，發覺V仔都好鍾意喺同樣位置自拍「今日着咩衫」。

 

情侶裝上陣。

 

留意右下角放喺地下嘅畫，合照中亦可見到。

 

自拍位。

 

V仔好鍾意等電梯玩自拍。

 

雖然証據確鑿，但有好多Fans仍然覺得係P圖。

 

好固執呀啲Fans。

 

有指圖片出自Jennie的私人IG，有網友疑惑女方是否被親友出賣，但亦有心水清Fans覺得Jennie有心流出合照宣示主權。對於同框合照不斷曝光，又有指兩人將因工作同到紐約有機會約會。Jennie所屬經紀公司YG提到，BLACKPINK在今日(25日)前往美國後，要參加MTV VMAs，以及宣傳第二張正規專輯，「預計會消化各種緊湊的行程」，似乎想用「工作忙碌」、「冇時間」來間接回應Jennie唔會同V仔喺紐約約會。

 

BLACKPINK今日出發到紐約工作。

 

至於V仔的公司HYBE到目前仍未就V仔緋聞發表任何講話，但以往V仔仍傳過跟富家女拍拖，或者隊長RM傳結婚，公司都會火速出來否認，但今次VJ戀，公司仍然選擇沉默，其實V仔都26歲（韓國年齡27歲），拍拖都好正常，Fans學吓接受，祝福偶像啦。

 

V仔嘅屋企一棟只有17個單位，仲要一梯一伙私隱度極高。

 

V仔上機後自拍，睇佢笑得幾甜，梗係啦可以去紐約拍拖。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。