MIRROR 演唱會丨舞蹈員方方大爆第三場曾檢查 怒轟調查結果：每晚搵命搏

MIRROR的紅館演唱會發生嚴重事故，導致兩名舞蹈員受傷，其中李啟言（阿Mo）仍在深切治療部留醫。意外發生至今近一個月，調查事故的工作小組昨日（24日）公佈初步調查結果，指意外是因其中一粒吊環螺絲斷裂，而鋼索上亦有金屬疲勞的條紋，鋼絲承受力比一般市面可購得的鋼絲少20%，加上鋼索所懸掛的屏幕重量又較申報的重好多，最終出現短周期金屬疲勞而斷裂，並預計下月才完成調查。

初步調查結果公佈後，阿Mo的女朋友、COLLAR成員蘇芷晴（So Ching）都有在IG分享調查結果的新聞。而分別參加《全民造星III》及《全民造星IV》的方芷欣（方方），亦是今次MIRROR演唱會的舞蹈員，在意外發生後曾在台上安撫受傷舞蹈員阿峰，早前又有份帶頭上載23位舞蹈員的聯合聲明，對於今次調查結果，她非常不滿，在IG發文炮轟，更大爆原來演唱會第三場曾進行檢查，但仍有意外發生：「先唔講前期計算錯誤問題，Day 3有重新安全檢查，咁嚴重嘅損耗唔知？檢查咩？護繩器唔係護住條威吔，又夾住又磨損，安檢又睇唔到？帶班友嚟巡一圈又收工？金屬疲勞真係意外？」

方方有份跳MIRROR演唱會。

方方安撫受傷阿峯。

舞蹈員發聲明。

方方大爆原來演唱會第三場曾進行檢查。

跟阿Mo好好朋友的她續說：「連安裝同原件都有問題，加埋舞台效果，吊上吊落又識轉又剩，邊個話ok可以咁樣用？個mon嘅使用程度又係邊個決定？開個show主辦/承建商連機械嘅安全情況都可以唔知，即係掉我哋幾十個表演者上台搵命每晚同你博一舖？罪孽深重，唔係一句我唔知唔關我事就得，正正就係點解你會唔知。」
 

方方對調查結果相當不滿。

舞蹈員之一的KAKI(前中間)。

KAKI亦出PO希望件事唔好不了了之。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。