Juicy叮｜外祖父母重男輕女分文不留 網民戥阿媽唔抵：有事就打電話嚟呻

重男輕女思想在老一輩之間根深蒂固，有網民在「香港討論區」發文，抱怨家境富裕的外祖父母，向來偏心男丁，於是將所有的財產都給予了舅父，但每當有麻煩事就只會找媽媽解決，發文者得悉後為媽媽感到不公平。

發文者說，外祖父母家境富裕，在內地有工廠、有車、有樓、有錢、有鋪。兩人將財產都轉讓給舅父，近年舅父一家來港安排分娩就花費了最少50萬元。

發文者透露，最近聽到外婆打電話給媽媽抱怨，外婆最近身體不適都要煮飯給同住的外公食，被外公怪責她「詐病」。之後媽媽就只是跟外婆講了聲「哦」，之後多講幾句就收線。後來媽媽打電話通知舅父，但舅父卻好像對外婆不適毫不知情。

發文者大感不忿，雖然兩老重男輕女，「我啊媽一個仙都無」，但媽媽仍然不時會在香港買些補健品等寄返內地給兩老。發文者不滿「你錢又畀晒佢，有難就來搵我」，雖然好想出言斥責，但媽媽既然逆來順受，也只能保持沉默。

網民抱怨家境富裕的外祖父母，向來重男輕女。《點解阿Sir係阿Sir》示意截圖

不過有部分網民就認為，發文者不應該將孝順父母跟錢銀掛鉤，「錢係你阿婆，佢有權畀任何人，至於你阿媽有無孝心，就出於佢。同錢無關係。至於你就唔好火上加油。兩個字：家事」、「你嘅觀感就係你外婆外公無留錢畀你阿媽，所以佢2老唔可以打電話畀你阿媽呻？你嘅孝心必出自金錢，老人有錢畀你，你就聽下電話，關心下。老人無錢畀你，就唔可以打電話畀你。照顧就更加唔駛諗」。

也有人批評，「睇唔到你阿婆想點搵你哋著數喎！父母之間有拗撬，通常都會搵個女呻，好少會揾個仔呻。反而成篇只係睇到你不斷埋怨佢哋話，無咩留錢畀你家人，重男輕女只留畀舅父。不過其實父母留家產畀下一代，有就係bonus ，無亦都唔係老馮。路係自己行出來的，唔好成朵溫室小花咁啦！如果你得佢哋同你唔多啱key,咁就以後保持距離，使咩係到怨哩樣怨果樣呢！」。

帖文轉載自「香港討論區」

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。