蘇永康5歲囝囝打鼓功架十足 幸福兒童學踩板又學滾軸溜冰

蘇永康5歲囝囝蘇展弘（Jazz）非常幸福，之前學踩板，又學滾軸溜冰 ，原來一年前更已開始學打鼓。蘇康就話以前好似囝囝咁嘅年紀，曾經同爸爸講好想學打鼓，但換來爸爸一句：「康，學打鼓無用㗎⋯⋯」蘇康表示從小到大都尊重爸爸：「但其實佢有很多睇法我從來都不認同（但從來不損我對他的愛），到Jazz 4歲問我可否學打鼓？我想也不想就答應，我真的不知道現在你學習的一切對你將來有什麼用！? 我只希望你從學習中得到快樂⋯keep it up & keep enjoy yourself my son ♥️♥️」由於Jazz打得有力，節奏感又好，最重要表情又配合到，成件事相當有型，李施嬅、杜如風同胡杏兒老公都讚叻叻。

 

睇佢幾架勢。

 

玩滾軸溜冰 。

 

努力學習中，加油呀。

 

Jazz 的5歲生日會。

 

打鼓嘅歌係《Uptown Funk》。

 

好多圈中Auntie同Uncle讚好。

 

因為蘇康夠開通，所以仔仔想學乜都得。其實睇Jazz同蘇太嘅IG，都見到Jazz乜都有得學，放假四圍去玩，又去宿營又去玩水又去主題公園又去打保齡，總之係幸福兒童。

 

蘇太成日帶Jazz同婆婆一齊玩。

 

其實下個月係蘇康嘅55歲生日，Jazz原本諗住送份生日禮物畀爸爸，就係一段爸爸名曲《男人不該讓女人流淚》嘅打鼓片段，不過最後唔小心畀爸爸發現而提早曝光，唔緊要，心意搭夠。

 

原本送畀爸爸嘅生日禮物。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。