陳慧嫻57歲生日宣佈加盟英皇 最想同老友克勤「新生代」祖兒合作
![](https://media-proc.singtao.ca/photo.php?s=https://media.singtao.ca/wp-content/uploads/master_sandbox/2022/07/2022072811295437474.jpg&f=jpeg&w=815&q=75&v=1)
今日(28日)是陳慧嫻(Priscilla)的57歲生日,同時亦藉著這個特別的日子正式宣佈加盟英皇娛樂。英皇眾藝人及經理人霍汶希(Mani)均送上祝賀,包括容祖兒、謝霆鋒、任達華、惠英紅、Twins、李克勤、古巨基等亦拍片祝賀慧嫻加入英皇大家庭。
對於加盟英皇,慧嫻表示:「 好榮幸可以加入英皇呢個大家庭。」並謂十分期待跟克勤及祖兒合作,「唔係淨係合唱,係合作喎。我同克勤以前同一間公司已認識多年,但從來冇機會合作,希望可以同佢搞吓啲花臣啦。」提到祖兒,慧嫻表示其實二人已認識很久,「希望可以同呢位新生代合作,對我嚟講Joey係新生代嚟㗎,同祖兒一齊玩吓。」至於「轉會費」,慧嫻笑說:「數字就唔講啦,總之就開心滿意啦。」問到慧嫻生日願望,她表示:「希望我身邊所有人、屋企人、所有愛我嘅人同我愛嘅人、同埋我個『女』mou mou,都身體健康,身體健康就開心㗎啦,人最緊要開心。」
一眾英皇藝人對於慧嫻的加盟均十分興奮雀躍,亦乘機問她不少問題,當中經理人Mani就問:「可唔可以講個爛gag?」慧嫻即腦筋急轉彎,「A-Z二十六個英文字母,ET走咗,咁剩番幾多個英文字母呢?答案係二十一個,因為ET坐UFO走。」關智斌(Kenny)表示想跟慧嫻去玩wakesurf,慧嫻爽快答應,不過她向Kenny說要他先教識她游泳才可以,十分搞笑。
女歌手們則對扮靚shopping有興趣,Twins及許靖韻(Angela)想知道慧嫻最近買了甚麼好東西、用甚麼顏色唇膏,慧嫻笑言過去兩年都沒有添置新衣服,「變了心」收藏水晶手鏈;唇膏方面,慧嫻謂不化妝的時候會選用橙紅色唇膏,因為看起來會精神點;洪卓立(Ken)及楊天宇(Angus)則向慧嫻請教如何養聲,「要飲多啲水、瞓多啲覺、做吓運動、保持心境開朗、正面。」然後細聲地繼續說:「仲有就係唔好咁大聲講嘢呀,陰聲細氣,唔好嗌傷把聲,咁把聲就應該會正常㗎啦。」幽默感十足。
好友克勤就問慧嫻加盟後,希望公司可以帶給她甚麼?慧嫻表示:「希望可以令到我有更加多嘅人生經驗,學到多啲嘢啦。」劉雅瑟直言希望在演唱會上可以跟慧嫻齊齊唱《跳舞街》,並即席唱了一小段,十分搞笑,慧嫻亦開心透露:「演唱會就梗係會開啦,不過我哋就要揀一個吉時同埋合適嘅時間,希望可以同歌迷一齊唱。」
星島新聞集團慶回歸25周年專題網站,請即瀏覽
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。