In the SOOP：友情旅行丨朴敘俊 V仔 崔宇植 朴炯植 Peakboy首合作綜藝 Fans大叫神仙組合

自16年拍畢韓劇《花郎》後，防彈少年團的V仔、朴敘俊及朴炯植成為老友，而朴敘俊跟崔宇植因為合作12年的《Family》成為至親，Peakboy就係朴敘俊嘅高中同學兼老死，眾人合體就係Wooga Family，一有時間就會見面；出遊仲會一齊過聖誕節，Peakboy出MV要幫手，朴炯植同V仔即刻幫拖。崔宇植開Fan Meeting，Wooga Family幾忙都去撐場，「家人」有戲上亦會現身首映力撐，總之互相應援，關係好到不得了。

 

V仔同朴敘俊拍攝《花郎》成為老友。

 

Wooga Family出席崔宇植Fan Meeting。

 

Fan Meeting會場中放晒Wooga Family合照。

 

朴炯植趕拍劇走先，留低佢哋影合照。

 

一齊去浸浴。

 

一齊過聖誕。

 

一齊食韓燒。

 

朴敘俊新戲，崔宇植客串的《驅魔使者》上映，V仔去首映撐場。

 

一齊出遊。

今日，韓娛界大事就係Wooga Family將演出《In the Soop：友誼之旅》綜藝節目，節目將於7月在JTBC分4集播出。內容係講述朴敘俊、Peakboy、崔宇植、朴炯植、V仔暫時停止緊張的幕前生活，於森林中享受悠閒的假期，五人將一起度過四日三夜，好似學生哥去宿營咁，一齊煮嘢食一齊踢波，難怪火速登上韓國討論區熱搜，Fans都忍唔住表示，天啊！！這是什麼神仙組合。
 

節目除於JTBC播出外，在全球OTT中通過VOD與大家見面。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。