汪明荃到澳門隔離21天 助手住正隔離房當有個照應

汪明荃（阿姐）上周客串演出TVB新劇《回歸》，當時受訪透露本周會出發去澳門，為6月1及2日的澳門藝術節壓軸演出兩場演唱會。疫情以來，阿姐第一次離港，面對澳門21日隔離生活，都表示難以想像，而現正在新加坡旅行的家英哥則不會同行。

 

阿姐上周客串TVB新劇《回歸》時透露將到澳門工作。

 

家英哥喺新加坡旅行，唔會同阿姐一齊去澳門。

 

而昨晚（9日）阿姐於IG透露已經抵達澳門，同時分享多張照片，可見阿姐為這21日的澳門隔離之旅做足準備，帶夠2個行李箱，並且在入往隔離酒店前，食多個杯麵，之後就坐專車去隔離。睇相阿姐間酒店房都幾大，房內都叫有空間郁動吓。另外仲有個露台，不過可惜唔出得去，惟有隔住個窗望吓海，而窗前就有部運動單車，希望阿姐呢21日唔好悶親啦。

 

阿姐話晒第一次隔離，與助手要分開兩間房，樣樣都要自己處理，不過阿姐就話好彩助手房間就在她的房間隔離，大家可以有照應。

 

阿姐透露已經到咗澳門，開始21日隔離生活。

 

前後做咗2次檢測。

 

食多個杯麵先去隔離。

 

以前去歐洲先拎兩個行李箱，而家去澳門都要呀！

 

阿姐到咗澳門啦！

 

酒店房都叫有啲空間郁動吓。

 

有露台但唔出得去……惟有隔住個窗，望景踩運動單車。

 

唔知阿姐隔離第一餐食咩呢？

 

更多新冠疫情資訊，請到以下專頁瀏覽（按此）

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。