第5波疫情丨Stanley@MIRROR冇得剪髮感無奈 髮型屋老闆Avis吐苦水

本港第5波疫情嚴峻，政府昨日（8日）宣布再收緊一系列防疫及社交距離措施，當中包括宗教處所、理髮店由明天（10日）起需要關閉至本月24日，消息一出，不少市民即趕到髮型屋剪髮，同時亦引起娛樂圈中不少聲音。MIRROR成員邱士縉（Stanley）近日正忙於與姜濤及呂爵安為ViuTV新劇《季前賽》拍攝，昨日他在IG限時動態上載身在車廂內的照片，只見他未有Set頭，頭髮長到遮眼，他留言︰「頭髮長，又無得剪，人生真艱難。」

 

Stanley近日忙於拍ViuTV新劇《季前賽》。

 

相信不少fans都十分期待《季前賽》。

 

周秀娜舊愛陳偉成（Avis）經營的健身中心及6間髮型屋大受影響，他亦在IG限時動態大吐苦水：「唔好每次都好似唧牙膏咁得唔得？已經第五個疫情唔係第一次，可唔可以果斷少少？一係全部人14日唔好出街，宵禁14日一齊渡過，如果唔係開頭停業嗰啲，不斷等你玩到完都唔知幾時，又唔俾人開，補貼又唔夠交租，次次都係咁點同你捱啊？」此外，王貽興分享髮型屋外大排長龍的照片，他寫道︰「咁多位師兄，短到咁都要排隊剪，因為唔剪冇得剪，點知今日唔剪下次再剪係咪2024。」

 

陳偉成健身及髮型屋生意同受影響。

 

陳偉成在IG大吐苦水。

 

王貽興留言指見髮型屋大排長龍。

 

不少人爭取時間去剪頭髮。

 

 立即下載 | 全新《星島頭條》APP : https://bit.ly/3yLrgYZ  

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。