Juicy叮｜8歲表弟拜年擅入房偷利是 港女踢爆感驚訝

有怪莫怪，細路仔唔識世界？有港女表示，親友日前上門拜年，8歲的表弟竟擅自入房偷走她的利是錢，後來她向爸爸及姑丈投訴，最終家人稱會教訓及懲罰表弟的偷竊行為，並轉帳現金予她作為補償。

該名港女在網上討論區「Dcard」發文，指大年初一姑媽一家到其家中拜年，對方到達時，她正在洗手間洗澡，出來後便獲告知其8歲表弟已進入她的房間，「其實我聽完都躁躁哋，有咩可能放佢入我間房？不過算，新年流流唔想話人」。她進房後看見表弟正看她貼於牆上的朋友合照，她未有多想，便叫表弟到客廳向長輩拜年。

後來親友全部離開，港女才發現放於抽屜內的利是竟被全部打開，「入面係吉嘅」。由於全日只有表弟曾進入房間，她回想後便鎖定「嫌疑犯」。她表示並非介意失去利是錢，但對年紀小小的表弟有偷竊行為一事感到驚訝，「一嚟大個咗唔太在意利市錢，二嚟冇諗過個細路會偷」。

事後她向爸爸及姑丈反映，對方得知後即代兒子道歉，「佢哋話有話咗佢同罰咗佢，不過都唔知真定假」，姑丈亦轉帳了1,300元給她作為補償，「其實我都唔知實際金額幾多，因為啲利市我冇開過，所以都係佢哋話幾多就幾多」。

帖文引起網民熱議，不少人認為事件嚴重，「唔可以畀佢覺得冇嘢，第時再偷一定冇情講」、「小朋友可能唔係成日掂錢呀，對錢銀冇咩觀念，如果你表弟知道錢銀觀念都仲偷就要好好咁教返，同埋講返偷嘢係犯法嘅，話畀佢知嚴重性」、「如果1個小朋友做錯嘢，道歉肯定要，另外最重要係要教識佢，佢嘅行為係唔啱，咁樣佢先至唔會再做」。

資料來源：「Dcard」

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。