各位觀眾4條傾丨Bob嘲某男歌手戴超冇人識 C君消音口形都睇到

由J2台創意總監C君（鄭詩君）與農夫拍檔陸永、林盛斌（Bob）和麥美恩主持的J2特備節目《各位觀眾4條傾》，最新一集有爆料，談及各大頒獎禮的奇聞趣事，有新人在場內戴黑超、又有人由第6行「攝位」企正陳奕迅隔離，笑料百出！

 

C君指阿Bob一向好重視自己大合照的企位，爆料指阿Bob曾說：「呢個已經唔認得個樣呀啦，仲戴咩黑超…」。陸永接着笑阿Bob有本「小氣簿」，會記低戴黑超藝人，C君還扮埋Bob當時表情說：「哦，原來呢個叫XXX！」雖然製作組已「嘟」走消音，但鏡頭影住C君大頭，口形清晰可見，所說的男歌手疑似是伍富橋。

 

伍富橋成為「黑超歌手」嫌疑人。

 

有歌手能在第6排攝到去Eason隔籬影大合照，Bob同麥美恩睇完個名大感驚訝。

 

另外，農夫又指在某台得獎，Bob不但沒鼓勵他們，更嘲諷在該台得獎等於沒得獎。農夫更爆某年見有人在台下拎叉雞飯食，令二人從而得到啟發。兩人愈爆愈興奮，指最爆一次是有人影大合照時擅自調位：「有個人頭四排都冇資格，排到第六行，呢個人慢慢行到去第五行，場務見到就鬧佢叫佢上番第六行，個場務一行開，佢又行落第四行，返嚟再鬧，到真正影大合照時，佢係企喺陳奕迅隔籬，咁先叫做勁！」他們將該人名字寫在白紙上，Bob和麥美恩看後大表驚訝。

 

而有一單笑料則與鞋有關，陸永稱一次在音樂頒獎禮的綵排期間，見到有歌手其中一邊厚底鞋溶掉，變成高低邊，而主角是男人，寫出名字後，Bob即場噴水狂笑。

 

陸永爆Bob有本「小氣簿」，會記低戴黑超藝人。

 

陸永話綵排期間，見過有歌手嘅厚底鞋溶咗。

 

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。