唐詩詠首做打女靠自我催眠

唐詩詠在開拍前已為自己做心理輔導。

　　（星島日報報道）由陳展鵬、姚子羚、王君馨及唐詩詠等合演的無綫新劇《鐵拳英雄》，將於下周一（1月10日）晚首播。唐詩詠談到首度試拍打戲，笑指開拍前已幫自己做足心理輔導：「其實大家都唔知我演唔演到咁硬朗嘅女仔，連我自己都好擔心。我開拍之前有同自己講一定會受傷，因為拍打戲冇得避，就算度好晒點拍，拍嗰時只要企錯少少位就會受傷；同埋我每日都同自己講今日要做得好過噚日！」

　　姚子羚雖然已非首次拍打戲，但她指今次比之前花了更多心機及時間：「今次係打功夫，形式上好唔同，仲要學耍峨嵋刺。今次有八成係打戲，每日邊打邊學新嘢。」而向來予人感覺好打得的王君馨，直指是次打戲最大難度在於穿高踭鞋上陣：「最驚係刮到女仔塊面，所以要用多啲精神。」

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。